Kundalik ish
Talabalar
Ro'yxatga olish, kutish ro'yxati, bir nechta guruh, sinov darslari, Excel import va ketish.
Talaba qo'shish
Talabani ro'yxatga olish uchun guruh shart emas. Bu ataylab shunday.
Nega guruh majburiy emas
So'rov ko'pincha barcha guruhlar kursning o'rtasiga yetganda keladi, keyingi mos guruh esa «keyingi oy» ochiladi. Talabani o'shangacha yozmay turish — uni butunlay yo'qotish demak.
Guruhsiz qo'shsam, u qayerda turadi?
Kutish ro'yxatida. Siz uni qaysi yo'nalishga qiziqqanini belgilab qo'yasiz; o'sha yo'nalishda guruh ochilganda ro'yxatdan topib biriktirasiz.
Izoh ham yozib qo'ysangiz bo'ladi: «faqat kechqurun», «6-sinf», «aprelda boshlamoqchi».
Bitta talaba bir nechta guruhda o'qiy oladimi?
Ha. Har bir guruh uchun alohida hisob ochiladi va alohida to'lanadi — kimyo puli to'langan bo'lsa, biologiya qarzi ochiq qolaveradi.
Har bir guruhda o'z narxi bo'ladi: birinchisi to'liq, ikkinchisi yarim narxda bo'lishi mumkin.
Bir xil ismli talabalar
Bitta markazda ikkita «Sardor Karimov» bo'lishi mumkin — ba'zan aka-uka, ba'zan mutlaqo begona ikki bola. Ular bir guruhda bo'lsa xato jimgina sodir bo'ladi: davomat boshqasiga belgilanadi, to'lov boshqa oilaga yoziladi, eslatma boshqa ota-onaga ketadi.
- Ismni yozganingizda tizim tekshiradiShu ism bilan faol talaba bo'lsa, forma darhol ogohlantiradi.
- Kim ekanini ko'rsatadiTelefoni va qaysi guruhda o'qishi bilan. Chunki eng qimmat xato — ikki bolaning bir ismi emas, bitta bolani ikki marta kiritish.
- O'sha bolaning o'zi bo'lsa — kartasini ochingYangisini qo'shmang. Aks holda bitta oilada ikkita ro'yxat, ikkita to'lov tarixi va ikkita eslatma paydo bo'ladi.
- Boshqa bola bo'lsa — qo'shimcha nom yozing«katta», «kichik», «7-A», «kechki» — o'zingizga qulay so'z. Tizim uni saqlamaguningizcha yangi talabani yozmaydi.
Qo'shimcha nom qayerda ko'rinadi
Ism yonida qavs ichida: Sardor Karimov (kichik). U barcha ro'yxatlarda turadi — o'qituvchining davomat jadvalida, to'lovlarda, guruh a'zolarida, imtihon natijalarida, qarzdorlar ro'yxatida va ota-onaga ketadigan Telegram xabarida ham. Aka-uka bir ota-onaning bitta chatiga ulangan bo'ladi, shuning uchun xabarda ham farqlanishi shart.
Har bir talabaga qo'shimcha nom yozishim kerakmi?
Yo'q. U faqat ism to'qnashganda so'raladi. Boshqa hamma talabada bu maydon umuman chiqmaydi.
Ketgan talaba bilan ism bir xil bo'lsa-chi?
Qo'shimcha nom so'ralmaydi. Qo'shimcha nom — har kuni belgilanadigan ro'yxat uchun ish quroli, ketgan odam esa hech qaysi ro'yxatda yo'q.
Ismi tarixda va hisobotlarda qolaveradi — u yerdan hech kim tanlamaydi.
Excel'dan ko'chirayotganda-chi?
Xuddi shunday. «Baribir qo'shilsin» deb tanlasangiz, ism to'qnashgan qatorlar qizarib qoladi va o'sha qatorning o'ziga qo'shimcha nom yozadigan katakcha chiqadi.
Fayl ichida ikkita bir xil ism bo'lsa ham shunday — ro'yxatda hali yo'q bo'lsa ham.
Qidiruvda ishlatsa bo'ladimi?
Ha. «sardor kichik» deb qidirsangiz aynan o'shani topadi.
Sinov darslari
Talabani guruhga qo'shayotganda «sinov» ni tanlab, oxirgi bepul kunni belgilaysiz.
- Sinov davrida hisob yozilmaydiTalaba darsda o'tiradi, davomati ham qo'yiladi — lekin hech kim hech narsa to'lamaydi.
- Muddat o'tgani o'zi hech narsani o'zgartirmaydiTalabani «Doimiy» qilganingizdan keyingina hisob ochiladi. Qaror sizniki, kalendarniki emas.
- Har kuni eslatma keladiQaror kutayotgan sinov talabalari ismi bilan ro'yxatga chiqadi — chunki bu bugun qilinadigan qo'ng'iroqlar ro'yxati.
- Sinovdan qolgan talaba yo'qotish hisoblanmaydiU hisobotda alohida turadi. Sinov taklif qilgani uchun markazning ko'rsatkichi tushmasligi kerak.
Nega muddat o'zi to'lovni boshlamaydi
Ilgari sinov muddati o'tgach hisob avtomatik ochilardi. Natijada ikki dars kelib qaytmagan oilaga ham hisob yozilar edi, va menejer buni ota-ona qo'ng'iroq qilganda bilardi. Endi pul faqat kimdir uni boshlaganda boshlanadi.
Excel'dan ko'chirish
Avvaldan ishlayotgan markaz uchun eng tez yo'l. Sehrgar to'rt qadamdan iborat.
- Faylni yuklashExcel yoki CSV.
- Ustunlarni moslashQaysi ustun ism, qaysi biri telefon, guruh, oylik va qo'shilgan sana ekanini belgilaysiz.
- Oldindan ko'rishHar bir qator uchun tizim nima qilishini aytadi: yoziladi, xato, yoki takror. Takror — xato emas: ikki bola haqiqatan bir xil ismli bo'lishi mumkin, qaror sizniki.
- YozishTasdiqlaganingizdan keyin talabalar qo'shiladi.
Fayldagi oylik summa qanday yoziladi?
Kelishilgan summa sifatida — foizga aylantirilmaydi.
Ikki yil o'qitib kelgan markazning ro'yxatida talabalar turli vaqtda kelishilgan turli narxda o'qiydi, ba'zilari guruhning hozirgi narxidan past, ba'zilari yuqori. Foizga aylantirish ularni yaxlitlar va guruh narxidan yuqorisini rad etib, o'sha talabalarni jimgina arzonlashtirib qo'yardi.
Import noto'g'ri chiqsa qaytara olamanmi?
Ha — 24 soat ichida, bir tugma bilan.
Faqat bittasi bundan mustasno: agar talabaga allaqachon davomat qo'yilgan yoki to'lov belgilangan bo'lsa, u qolib ketadi. Uni o'chirish endi xatoni tuzatish emas, siz yaratgan ma'lumotni yo'qotish bo'lardi.
Talaba ketganda
Kartasidan «Ketdi» ni belgilab, sababini tanlaysiz. Sabab majburiy — hisobot aynan shundan «nega talaba yo'qotayapmiz» degan savolga javob beradi.
- Narx qimmatEng ko'p uchraydigan sabab — narx siyosatiga signal.
- Jadval to'g'ri kelmadiBoshqa vaqtda guruh ochish kerakligini ko'rsatadi.
- JoylashuvYangi filial haqida o'ylash uchun asos.
- O'qituvchidan noroziEng muhim signal — o'qituvchi bo'yicha ajratib ko'rish mumkin.
- Boshqa markazga ketdiRaqobat.
- Ko'chib ketdiMarkazga bog'liq emas.
- Maqsadga erishdiBu yo'qotish emas — bitirgan hisoblanadi.
- Shaxsiy sababOilaviy holat, kasallik.
- To'lamadiMarkazning qarori.
- IntizomMarkazning qarori.
- Aloqa uzildiTelefon ko'tarilmayapti.
Bitirgan va ketgan talaba bir xilmi?
Yo'q, va bu farq muhim. Kursi tugagan yoki «maqsadga erishdi» deb belgilangan talaba — bitirgan, u yo'qotish hisoblanmaydi.
Ilgari ikkalasi bitta ro'yxatda edi, natijada ko'p bitirgan markaz «ko'p talaba yo'qotayotgan» bo'lib ko'rinardi — ya'ni raqam har doim bir tomonga yolg'on gapirardi.
Ketgan talaba qaytib kelsa?
Kartasidan qayta faollashtirasiz va guruhga biriktirasiz. Eski davomati va to'lov tarixi joyida turadi.